Čire čačimata

O zakono pa le nationalne minoritetori aj minoritoske chiba

O zakono pa le nationalne minoritetori aj minoritoske chiba ande skurto divano si tut čačimos ande gadala punktori:

• Sa le puterde bucia si len specialno obligatcija te len sama aj te vazden opre čiri chib aj čiri kultura.
• Kaj glati si len inke maj zoralo čačimos te baron ande peski kultura aj ande peski chib.
• Tu si čačimos te les informatcija pa o zakono, pa soste si karing tute pa foroske regionoske raj (förvaltningsmyndigheter), sar Socialstyrelsen.
• Univar maladol pe ke le foroske raj si len obligatcija te keren kommunikatcija tusa pe finištska, meänkieli aj samiska – dikh maj dur Čačimos sar te haznis čiri chib.
• Phure manuš kaj bešen ando gor kaj si regionosko si len čačimos te len vaj uni khotora phuronge azutimos khatar le bucarne kaj den duma finištska, meänkieli aj samiska. Sa godo gindol kaj phure kaj bešen avral regionosko gor, te si kaj e komuna bucarne kaj birin te den duma finištska, jiddisch, meänkieli, romani chib vaj samiska.
• E komuna trubon ande peski buci pa phuronge azutimos te den len e chansa pe minoritetsko chib te den len chansa te inkeren pesko kulturako identiteto.
• E komuna si len obligatcija te dikhen te si bucarne kaj si len zanglimos ande minoritesko chiba kana trubol kaj špita karing phure manuš.
• Bucarne po sastimos sar sastimos- aj špita trubon te keren buci te aven manuš kaj birin te den duma finištska, meänkieli, vaj samiska kana trubol ande špita.
• Le foroske po regionoske gor mušaj te den kaj le nationalne minoritetori chansa ande pušimata kaj si pa lengi grupa aj chansa te azutin ande pušimata gadya dur kaj šaj birin.
• Glatengo aj ternimatengo chansa ande pušimata si vazno te ašunen pe lende anglunes.