Čačimos sar te haznis čiri chib

Le Švedoke nationalne minoritetori si le  judovori, rom, samer, švedoke finišanori aj tornedalingar. Le nationalne minoriteske chiba si jiddisch, romani chib, samiska, finišitska aj meänkieli. 

Sa le nationalne minoriteske chiba si mušaj te las sama aj te barol po zanglimos

O zakono phenel ke le nationalne minoritoske chiba si mušaj te las sama aj te barol po zanglimos. Godo manuš kaj si les nationalno minoriteto si les čačimos te šičol, te barol aj te haznil pesko minoritetsko chib. Le foroske raj si lenge mušaj te ašunen pe le nationalne minoritetori aj te dikhen so si kaj trubol len.

Specialne zorale čačimata pe finištska, meänkieli aj samiska

Specialne zorale čačimata pe finištska, meänkieli aj samiska aj kaj trajin ande jekh komuna kaj si andre ande regionosko gor. Po minoritet.se biris te dikhes te si čiri komuna ande jekh regionosko gor.

Tu kaj trajis ande jekh komuna kaj si regionosko gor si tut čačimos te des duma čiri chib. Tu biris te les adveto aj ramome rama pe čiri chib.

Tu šaj manges angluni škola (förskola), jekh kaver fjalo pedagogisko škola aj phurengo azutimos totalno vaj pe uni khotora pe finišitska, meänkieli aj samiska.  

Tu te bešesa ande jekh khatar gadala komunori Arjeplog, Gällivare, Haparanda, Jokkmokk, Kiruna, Pajala vaj Övertorneå si tut  čačimos te des duma čiri chib kana les kontakto kaj kris.

Tu kana godo šaj ramos po finištska, meänkieli aj samiska kaj till Riksdagens bucarne (ombudsmän) aj kaj Diskrimineringsombudsmannen. Vi godo zindol kaj Justitiekanslern, Försäkringskassan, Skatteverket aj Arbetsförmedlingen ande bucia kaj si pa tute vaj te azutisa varikas.